Sagardo Forum

Sagarra, sagardoa eta turismoari buruzko jardunaldiak

SAGARDO FORUM sagarra, sagarraren eratorriei eta sagardoaren kultura eta turismoari buruzko jardunaldi teknikoak dira. Jardunaldi hauek Sagardoaren Lurraldeak antolatzen ditu eta bi urtetik behin ospatzen dira.

Sagardo Forum jardunaldien hirugarrren edizioa 2019ko azaroaren 21-22-23-24an ospatuko da Hernaniko Orona Ideo-ren instalazioetan.

Sagardo Forum-aren egitaraua, sagardoaren munduaren inguruko ezagutza 3 gai nagusitan eskaintzen duten nazio mailako naiz nazioarteko profesionalen hitzaldiekin osatzen da: sagarra, sagardoa eta sagardotegiak baliabide turistiko gisa. Hitzaldi hauez gain, Nazioarteko Sagardo Lehiaketa ospatzen da, eta bertan, mundu osoko dastatzaile ospetsuek (sumillerrak, enologoak, sukaldariak, kazetari eta blogger gastronomikoak etab.) 9 kategoriatan sailkatutako sagardo mota ezberdinak dastatzen dituzte lehiaketara aurkeztutako sagardorik hoberenak aukeratzeko: Euskal Herrian ekoiztutako sagardoa, sagardo natural asturiarra, sagardo tradizional frantsesa, sagardo tradizional ingelesa, sagardo berriak, “premium” sagardo aparduna, “apfelwein” sagardoa, zaporetako sagardoa edo udardoa eta izotzezko sagardoa. Aurten gainera, nazioarteko azoka bat ospatuko da.

Sagardo Forum-a ospatzen den egunetan, arlo bakoitzeko adituak biltzen dira Sagardoaren Lurraldean. Zalantzarik gabe, beste esperientzia eta ibilbide profesionaletatik ikasteko aukera ezin hobea izaten da, baita gaur egungo sagardoaren munduaren egoera ezagutzekoa eta berezko historia, usadioa eta enoturismoaren munduan zabalpen handia duen Sagardoaren Lurraldea jomuga turistikoa eraikitzen jarraitzeko ideiak barneratzekoa ere.

Zure zain gaude!

Sagardo Forum 2019 - Izen-emateak

III. Sagardo Forum jardunaldietan izena-eman nahi dut (azaroak 21-24)

Izena-eman

LAGUNTZAILEAK